Sefydlwyd Eglwys Glanrhyd ym 1899. G?r o’r enw Mr Thomas Williams, Gwylfa, roddodd y llain o dir i adeiladu’r capel arno gan y credai y byddai codi eglwys arall yn gaffaeliad ysbrydol i’r ardal. Y gweinidog cyntaf oedd y Parchedig David Williams ac wedi arweiniad ysbrydol pum gweinidog ar ei ôl, sefydlwyd y Parchedig Deian Evans yn weinidog ar ofalaeth Bro Lleu ym mis Hydref 2010.

Mae gan yr eglwys oddeutu 90 aelod ac mae 18 o blant yn mynychu’r ysgol Sul yn selog. Rydym yn ceisio rhoi lle canolog i’r plant yn ei hoedfaon. Manteisiwn fel aelodau ar amryfal weithgareddau o fewn yr ofalaeth pherwydd credwn bod yr eglwys yn rhan o deulu a chymuned Gristnogol ehangach. Gobeithiwn fod drysau’r capel yn agored ac yn fawr ein croeso i bawb ddymuna ddod i addoli gyda ni.