Rydym yn eglwys fechan iawn o ran aelodaeth ond mae ein ffydd yn gryf ac mae ein gobeithion a’n cynlluniau ar gyfer y dyfodol yn optimistaidd.

Rydym yn cynnal gwasanaeth bob dydd Sul am 10:30yb (ond nid yn ystod mis Awst) ac uchelbwyntiau ein blwyddyn yw ein gwasanaethau arbennig ar ddydd Gwener y Groglith, Sul y Pasg, adeg y Cynhaeaf ac ar  Noswyl Nadolig. Caiff y gwasanaeth ar Noswyl Nadolig ei drefnu a’i arwain gan ein plant a’n pobl ifanc. Bydd oddeutu 20 o blant o’r ysgol gynradd leol, Ysgol Pontsenni, yn ymuno â nhw ar ei gyfer.