Rydym yn cynnal un oedfa bob Sul, ac os na fydd pregethwr fe gynhelir cyfarfod gweddi. Mae yma ysgol Sul o tua 15 o blant ac mae’n weithgar iawn, yn hel cannoedd o arian bob blwyddyn at achosion da. Bydd rhai o’r aelodau yn mynychu Seiat yr Ofalaeth ym Morfa Nefyn o dan ofal ein gweinidog, y Parchedig R.O. Roberts. Cynhelir clwb plant yn y festri bob yn ail nos Lun rhwng yr hydref a’r gwanwyn gyda gweithwyr Trobwynt.