Newyddion Eglwys Bresbyteraidd Cymru
30 Mai 2025
I’w Ryddhau Ar Unwaith
Eglwys yn Cyhoeddi Galwad i Weddi
Mae Eglwys Bresbyteraidd Cymru (EBC) yn lansio wythnos weddi genedlaethol. Bydd yn rhedeg o ddydd Sul 1 Mehefin tan ddydd Sadwrn 7 Mehefin.
Trwy gymysgedd o gynulliadau ar-lein ac wyneb yn wyneb, mae EBC yn amlygu pa mor ganolog yw gweddi yn ei fywyd cenedlaethol. Ac mae’n galw ar ei haelodau a phobl Cymru i ddod at ei gilydd mewn gweddi.
Dechreua’r wythnos gyda phregeth wedi’i recordio’n arbennig ar destun gweddi, a draddodir gan y Parch Owen Griffiths, gweinidog Henaduriaeth De Ddwyrain Cymru ac sy’n cydlynu tîm yr wythnos weddi. Gellir lawrlwytho’r bregeth hon a’i gweld fel rhan o wasanaethau eglwysig neu mewn lleoliadau eraill.
O ddydd Llun i ddydd Gwener, bydd amrywiaeth o gyfarfodydd gweddi, yn rhedeg o 7pm tan 8pm. Ond bydd y cyfarfodydd ddydd Llun a dydd Iau yn wahanol iawn. Ar ddydd Llun 2 Mehefin, gwahoddir pobl i wneud eu ffordd i’r ganolfan weddïo ddynodedig agosaf (gweler y map atodedig), lle byddant yn cysylltu â’r llall i gyd trwy Zoom. Bydd adegau yn y cyfarfod, pan fydd canolfannau lleol yn gweddïo dros anghenion lleol cyn ailymuno â’r canolfannau eraill.
Bydd y cyfarfod nos Iau 5 Mehefin yn noson o weddi. Bydd hyn yn para rhwng 7pm ac 11pm a gwahoddir pobl i fynychu pryd bynnag y gallant a pha mor hir y gallant, boed hynny am ddeg munud neu bedair awr.
Ar y dydd Sadwrn sy’n cloi’r wythnos mae gwahoddiad i bobl fynd am dro gweddi drwy eu cymuned neu yn eu hoff lecyn hardd. Bydd hyn yn ffordd o gyfarfod â Duw a gofyn ei fendith ar ein cymunedau. er na fyddwn gyda’n gilydd mewn un cyfarfod gweddi, byddwn yn unedig yn ein hawydd i gymuno â Duw ac i alw ar enw Duw ar ran ein Heglwys a’n cenedl.
Mae nifer o adnoddau wedi eu paratoi yn benodol ar gyfer yr Wythnos Weddi Genedlaethol. Mae’r rhain yn cynnwys:
• Dyddiadur gweddi sy’n awgrymu eitemau mawl, diolchgarwch a deisebau ar gyfer pob diwrnod o’r wythnos.
• Adnoddau ar gyfer addysgu plant a phobl ifanc am weddi mewn ysgolion a chlybiau plant
• Syniadau ar sut y gallwch chi a’ch eglwys wneud y gorau o’r Wythnos Weddi Genedlaethol
Dywedodd y Parch Owen Griffiths: “Mae hon yn wythnos uchelgeisiol, lle rydym yn datgan canolrwydd gweddi yn ein bywyd fel enwad. Mae hwn yn gyfnod prysur a heriol i eglwysi ar hyd a lled Cymru, ac mae angen inni geisio wyneb Duw am gyfeiriad a chysur. Gobeithiwn y bydd cymaint o bobl â phosibl yn gallu galw heibio ar gyfer rhai o’r holl ddigwyddiadau sydd wedi’u cynllunio. Wrth i ni fynd ar daith tuag at y Pentecost ar 8 Mehefin, mae’n gyfle newydd i ni deimlo agosrwydd yr Arglwydd mewn ffurf newydd.”
Y ddolen Zoom ar gyfer pob cwrdd gweddi ar-lein yw
https://us02web.zoom.us/j/86840505238?pwd=Sho6MhRb5mNbPv2INjU5RarnqcISiJ.1
 | Zoom is the leader in modern enterprise cloud communications. us02web.zoom.us |